នាព្រឹកថ្ងៃទី១២ ខែកុម្ភៈ ឆ្នាំ២០២៥, ក្រុមការងារបច្ចេកទេសនៃអគ្គនាយកដ្ឋានសេដ្ឋកិច្ចឌីជីថល (អ.ស.ឌ.) បានទទួលជួបពិភាក្សាជាមួយតំណាងក្រុមហ៊ុន INNO LABS KH CO., LTD. ដែលជាក្រុមហ៊ុនផ្គត់ផ្គង់សេវាកម្មគ្រប់គ្រងគណនេយ្យអាជីវកម្ម (ERP) ដើម្បីណែនាំអំពីប្រព័ន្ធវិក្កយបត្រអេឡិចត្រូនិកកម្ពុជា។

ជាលទ្ធផល, ក្រុមហ៊ុន INNO LABS KH CO., LTD. បានចាប់អារម្មណ៍លើប្រព័ន្ធវិក្កយបត្រអេឡិចត្រូនិកកម្ពុជា និងបានបន្តសហការជាមួយក្រុមការងារបច្ចេកទេស អ.ស.ឌ. ដើម្បីធ្វើការភ្ជាប់សន្ធានកម្មរវាងប្រព័ន្ធរបស់ក្រុមហ៊ុន ជាមួយប្រព័ន្ធវិក្កយបត្រអេឡិចត្រូនិកកម្ពុជា។