១. គោលការណ៍ទូទៅ

លក្ខខណ្ឌនេះនឹងមានការកែសម្រួលក្នុងករណីចាំបាច់។ រាល់ការផ្លាស់ប្ដូរនឹងមានការជូនដំណឹង, ការបន្ត​ចូលប្រើប្រាស់គេហទំព័ររបស់លោកអ្នកក្រោយមានការកែសម្រួលនឹងចាត់ទុកថាលោកអ្នកយល់ព្រម​ជាមួយលក្ខខណ្ឌថ្មី ដែលបានកែសម្រួលរួច។ ដូចនេះ សូមលោកអ្នកមេត្តាអានលក្ខខណ្ឌនេះរៀងរាល់​ពេលចូលប្រើប្រាស់គេហទំព័រ។

២. កម្មសិទ្ធិបញ្ញា

គេហទំព័រនេះ គឺជាកម្មសិទ្ធិ និងប្រតិបត្តិការដោយ អគ្គនាយកដ្ឋានសេដ្ឋកិច្ចឌីជីថល (អ.ស.ឌ.) នៃ ក្រសួងសេដ្ឋកិច្ចនិងហិរញ្ញវត្ថុ (ក.ស.ហ.វ.)។ រាល់មាតិកា និងមុខងារទាំងឡាយនៅលើគេហទំព័រនេះ និងនៅលើបណ្ដាញសង្គមរបស់ អ.ស.ឌ. រួមទាំងព័ត៌មាន, រូបភាព, វីដេអូ, និងកម្មវិធីផ្សេងៗ ដែលមាននៅលើ​គេហទំព័រ ឬ តាមរយៈគេហទំព័រគឺត្រូវបានការពារដោយច្បាប់កម្មសិទ្ធិបញ្ញា នៃព្រះរាជាណាចក្រកម្ពុជា។

៣. ការហាមឃាត់ក្នុងការប្រើប្រាស់មាតិកា

មាតិកាដែលមាននៅលើគេហទំព័រនេះ គឺជាកម្មសិទ្ធិរបស់ អ.ស.ឌ. និង មិនមែនសម្រាប់បើកចំហ, ​ផ្សព្វ​ផ្សាយ ឬ ចែកចាយបន្តទៅកាន់ភាគីដទែ។ លោកអ្នកមិនត្រូវបង្កើតឡើងវិញ, បញ្ជូនបន្ត, ផ្សព្វផ្សាយ, លក់, ចែក​ចាយបន្ត ឬ ធ្វើសកម្មភាពអាជីវកម្មលើគេហទំព័រ ឬ មាតិកាទាំងឡាយឡើយ លុះត្រាតែមានការបញ្ជាក់ណាមួយពី អ.ស.ឌ.។

៤. ការហាមឃាត់ក្នុងការប្រើប្រាស់គេហទំព័រ

លោកអ្នកមិនត្រូវព្យាយាមចូលប្រើប្រាស់ដោយគ្មានការអនុញ្ញាត, វាយប្រហារ (Hacking), លួច​ទិន្នន័យ (Data Mining) ឬ សកម្មភាព​មិន​ប្រក្រតីណាមួយ ទៅលើមុខងារលើគេហទំព័រ ឬ ប្រព័ន្ធ ឬ បណ្ដាញ ដែលបានភ្ជាប់ទៅនឹងគេហទំព័រ ឬ ម៉ាស៊ីនមេរបស់ អ.ស.ឌ. ឡើយ។

៥. បណ្ដាញសង្គម

អ.ស.ឌ. រក្សាសិទ្ធគ្រប់យ៉ាងលើការគ្រប់គ្រងបណ្ដាញសង្គម ដូចជា៖ (១) បន្ថែម, លុបចោល, ឬកែប្រែ​មាតិកា, (២) បិទ (Block) អ្នកប្រើប្រាស់ដែលមិនគោរពតាមគោលការណ៍ណាមួយ, (៣) បញ្ឈប់ប្រតិបត្តិការបណ្ដាញសង្គមរបស់ អ.ស.ឌ. គ្រប់ពេល។ អ.ស.ឌ. មិនធ្វើការតំណាង, ផ្សព្វផ្សាយ, គ្រប់គ្រង ឬ គាំទ្រមតិណាមួយឡើយ រួមទាំងអ្នកដែល “Follow” ឬ “Like” ក្នុងបណ្ដាញសង្គមរបស់យើង និងអ្នកដែលយើង “Follow” ឬ “Like” ឬ “Re-tweet” ឬ “Favorite” ឬ “Share” ក្នុងបណ្ដាញសង្គម។

៦. ទំនួលខុសត្រូវ

រាល់មាតិកានៅលើគេហទំព័រ និងបណ្ដាញសង្គមរបស់យើង មិនបញ្ជាក់ឱ្យការតំណាង ឬ ការសន្យាណាមួយ​ឡើយ។ មាតិកាដែលមាននៅលើគេហទំព័រ ឬ បណ្ដាញសង្គមរបស់យើង គឺមានលក្ខណៈជាឯកសាររស់ ដោយមិនតំណាងឱ្យការធានាដោយផ្ទាល់ ឬ ដោយប្រយោលណាមួយឡើយ។ យើងសូមបដិសេធ​រាល់អំណះអំណាងនៃភាពជាកម្មសិទ្ធ, សកម្មភាពអាជីវកម្ម, ការកំណត់គោលបំណងណាមួយ, ឬ ការរំពឹងទុកនៃឯកជនភាព និងការរំលោភបំពានណាមួយ ដែលកើតឡើងក្រៅដែនសមត្ថកិច្ចរបស់ អ.ស.ឌ.។ ដោយស្ថិតនៅក្នុងច្បាប់នៃ​ព្រះរាជាណាចក្រកម្ពុជា ដែលមានជាធរមាន, អ.ស.ឌ. នឹងមិនធានាចំពោះ៖

• ភាពត្រឹមត្រូវ, ភាពជឿទុកចិត្តបាន, បច្ចុប្បន្នភាព នៃមាតិកា
• មាតិកា ឬ មុខងារ ដែលមានលើគេហទំព័រល្អឥតខ្ចោះ, មិនមានការរំខាន, មិនមានកំហុសបច្ចេកទេស​មិនមានហានិភ័យផ្សេងៗ។ អ.ស.ឌ. ក៏មិនទទួលខុសត្រូវចំពោះការខូចខាត ឬ ការបាត់បង់របស់លោកអ្នក តាមរយៈការប្រើប្រាស់គេហទំព័រ និងការប្រាស្រ័យមាតិការបស់យើង ដោយផ្ទាល់ ឬ ដោយប្រយោល។

៧. គោលការណ៍រក្សាសិទ្ធិ

អ.ស.ឌ. រក្សាសិទ្ធគ្រប់យ៉ាងក្នុងការកែប្រែ និងធ្វើបច្ចុប្បន្នភាពគេហទំព័រ គ្រប់ពេល។ អ.ស.ឌ. ក៏រក្សាសិទ្ធិក្នុងការបដិសេធ និងហាមឃាត់ការចូលប្រើប្រាស់ ឬ កំណត់កម្រិតនៃការចូលប្រើប្រាស់ចំពោះបុគ្គលណាមួយគ្រប់ពេលដោយមិនចាំបាច់ជូនដំណឹង។

៨. តំណភ្ជាប់ទៅគេហទំព័រដទៃ

គេហទំព័រនេះ អាចមានតំណភ្ជាប់ទៅកាន់គេហទំព័រដទៃ ដែលមិនស្ថិតក្នុងដែនសមត្ថកិច្ចរបស់ អ.ស.ឌ.។ អ.ស.ឌ. នឹងមិនទទួលខុសត្រូវលើមាតិកា នៃគេហទំព័រទាំងនោះ ព្រមទាំងការខូចខាត និងការបាត់បង់ ដែលកើតឡើងពីគេហទំព័រទាំងនោះឡើយ។ រាល់មាតិកា, សេវាកម្ម, ការអះអាង ឬ តំណាងអ្វីមួយ ដែលមាន​នៅលើ​គេហទំព័រទាំងនោះជាទំនួលខុសត្រូវរបស់ប្រតិបត្តិករនៃគេហទំព័រទាំងនោះ។ សូមលោកអ្នកមាន​ការប្រុង​ប្រយ័ត្ន និងទទួលខុសត្រូវដោយខ្លួនឯង ចំពោះការចូលប្រើប្រាស់គេហទំព័រទាំងនោះ។

៩. តំណភ្ជាប់ពីគេហទំព័រដទៃ

អ.ស.ឌ. មិនត្រូវរាប់បញ្ចូលពាក់ព័ន្ធ ឬ ជាតំណាងគេហទំព័រ ដែលភ្ជាប់មកនោះទេ។ យើងរក្សាសិទ្ធិក្នុងការ​បិទ​តំណភ្ជាប់ឡាយណា ដែលគ្មានការអនុញ្ញាត នឹងមិនទទួលខុសត្រូវលើមាតិកាក្នុងតំណភ្ជាប់ទាំងនោះ​ឡើយ។

១០. ច្បាប់គ្របគ្រង

លក្ខខណ្ឌក្នុងការប្រើប្រាស់នេះស្ថិតក្រោមច្បាប់ ដែលមានជាធរមាន ក្នុងព្រះរាជាណាចក្រកម្ពុជា។

១១. គោលការណ៍ឯកជនភាព

ការបន្តចូលប្រើប្រាស់គេហទំព័រនេះ មានន័យថាលោកអ្នកយល់ព្រមគោរពតាមគោលការណ៍ឯកជនភាព​របស់យើងផងដែរ។