នាព្រឹកថ្ងៃទី៥ ខែមីនា ឆ្នាំ២០២៥, តាមរយៈប្រព័ន្ធវីដេអូ Zoom, លោក អៀច សេដ្ឋា អគ្គនាយករងនៃអគ្គនាយកដ្ឋានសេដ្ឋកិច្ចឌីជីថល (អ.ស.ឌ.) តំណាងដ៏ខ្ពង់ខ្ពស់ឯកឧត្តមបណ្ឌិត តាំង ងួនលី អគ្គនាយកនៃ អ.ស.ឌ. បានដឹកនាំក្រុមការងារបច្ចេកទេសអភិវឌ្ឍប្រព័ន្ធវិក្កយបត្រអេឡិចត្រូនិកកម្ពុជា ជួបប្រជុំជាមួយតំណាងនិយ័តករគណនេយ្យនិងសវនកម្ម (ន.គ.ស.) ដើម្បីពិភាក្សាប្រមូលធាតុចូល និងគិតគូរលើការអនុវត្តប្រព័ន្ធវិក្កយបត្រអេឡិចត្រូនិកកម្ពុជា ក្នុងក្របខ័ណ្ឌប្រតិបត្តិការពីស្ថាប័នរដ្ឋទៅក្រុមហ៊ុនឯកជន (G2B) ។

ជាលទ្ធផល,​ ក្រុមការងារទាំងពីរបានព្រមព្រៀងក្នុងការបន្តសហការគ្នា ដើម្បីជំរុញឱ្យប្រតិបត្តិការវិក្កយបត្រអេឡិចត្រូនិកកម្ពុជា G2B នេះសម្រេចបានជាសមិទ្ធផលតាមការគ្រោងទុក។