នាថ្ងៃទី២៥ ខែមេសា ឆ្នាំ២០២៥, នៅសណ្ឋាគាររ៉េសុីដង់ សុខាភ្នំពេញ, អគ្គនាយកដ្ឋានសេដ្ឋកិច្ចឌីជីថល (អ.ស.ឌ.) នៃក្រសួងសេដ្ឋកិច្ចនិងហិរញ្ញវត្ថុ (ក.ស.ហ.វ.) បានរៀបចំសិក្ខាសាលាផ្សព្វផ្សាយ និងបណ្តុះបណ្តាលអំពី "ប្រព័ន្ធវិក្កយបត្រអេឡិចត្រូនិកកម្ពុជា" (Cambodia E-Invoicing System) ទៅកាន់ក្រុមហ៊ុន សហគ្រាស ដែលបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត តាំង ងួនលី អគ្គនាយកនៃ អ.ស.ឌ. អមដោយលោក អៀច សេដ្ឋា អគ្គនាយករងនៃ អ.ស.ឌ. ព្រមទាំងក្រុមការងារបច្ចេកទេសនៃ អ.ស.ឌ. ទទួលបន្ទុកអភិវឌ្ឍប្រព័ន្ធវិក្កយបត្រអេឡិចត្រូនិកកម្ពុជា។

=គួរបញ្ជាក់ផងដែរ សិក្ខាសាលាខាងលើបានរៀបចំឡើង ក្នុងគោលបំណងផ្សព្វផ្សាយបញ្ជ្រាបព័ត៌មាន និងបណ្តុះបណ្តាលអំពីប្រព័ន្ធ Cambodia E-Invoicing ជាមួយតំណាងក្រុមហ៊ុនអាជីវកម្ម, ក្រុមហ៊ុនផ្គត់ផ្គង់ប្រព័ន្ធគណនេយ្យ, គ្រឹះស្ថានធនាគារ និងស្ថាប័នពាក់ព័ន្ធក្រោមឱវាទ ក.ស.ហ.វ សរុបចំនួនប្រមាណ ១៤០រូប ដែលអញ្ជើញមកពីក្រុមហ៊ុន សហគ្រាសចំនួនប្រមាណ ៦០។