នារសៀលថ្ងៃទី៣ ខែកុម្ភៈ ឆ្នាំ២០២៥, លោក អៀច សេដ្ឋា អគ្គនាយករងនៃអគ្គនាយកដ្ឋានសេដ្ឋកិច្ចឌីជីថល (អ.ស.ឌ.) តំណាងដ៏ខ្ពង់ខ្ពស់ ឯកឧត្តមបណ្ឌិត តាំង ងួនលី អគ្គនាយកនៃ អ.ស.ឌ. បានដឹកនាំក្រុមការងារបច្ចេកទេសអភិវឌ្ឍប្រព័ន្ធវិក្កយបត្រអេឡិចត្រូនិកកម្ពុជា ជួបប្រជុំពិភាក្សាជាមួយលោក ស៊ីម ចាន់គីរីរ័ត្ន នាយកប្រតិបត្តិក្រុមហ៊ុនបច្ចេកវិទ្យាហិរញ្ញវត្ថ Banhji ដើម្បីពិភាក្សា និងសិក្សាអំពីការបន្ថែមមុខងារប្រតិបត្តិការវិក្កយបត្រពីអង្គភាពរដ្ឋ ទៅក្រុមហ៊ុនឯកជន (G2B) ។ 

ជាលទ្ធផលលោកនាយកប្រតិបត្តិក្រុមហ៊ុន Banhji បានផ្តល់នូវបទពិសោធន៍ និងធាតុចូលមកកាន់ក្រុមការងារដើម្បីគិតគូររៀបចំអភិវឌ្ឍនូវមុខងារប្រតិបត្តិការ G2B នេះ។