នារសៀលថ្ងៃទី១៤ ខែកុម្ភៈ ឆ្នាំ២០២៥, លោក អៀច សេដ្ឋា អគ្គនាយករងនៃអគ្គនាយកដ្ឋានសេដ្ឋកិច្ចឌីជីថល (អ.ស.ឌ.) តំណាងដ៏ខ្ពង់ខ្ពស់ ឯកឧត្តមបណ្ឌិត តាំង ងួនលី អគ្គនាយកនៃ អ.ស.ឌ. បានដឹកនាំក្រុមការងារបច្ចេកទេសទទួលបន្ទុកអភិវឌ្ឍប្រព័ន្ធវិក្កយបត្រអេឡិចត្រូនិកកម្ពុជា ជួបពិភាក្សាតាមរយៈប្រព័ន្ធវីដេអូ Zoom ជាមួយនឹងតំណាងក្រុមហ៊ុន EDICOM ដែលជាក្រុមហ៊ុនអន្តរជាតិផ្គត់ផ្គង់ប្រព័ន្ធវិក្កយបត្រអេឡិចត្រូនិក។ តាមរយៈកិច្ចប្រជុំ ក្រុមការងារនៃ អ.ស.ឌ. បានបង្ហាញ និងណែនាំអំពីទិដ្ឋភាពរួមនៃប្រព័ន្ធវិក្កយបត្រអេឡិចត្រូនិកកម្ពុជា។ ចំណែកតំណាងក្រុមហ៊ុន EDICOM ក៏បានបង្ហាញអំពីសវតានៃក្រុមហ៊ុនរបស់ខ្លួន ដែលកំពុងផ្គត់ផ្គង់សេវាកម្មប្រព័ន្ធវិក្កយបត្រអេឡិចត្រូនិកជូនអតិថិជន ដែលជាក្រុមហ៊ុនអាជីវកម្មប្រមាណចំនួនជាង ១៧ ០០០ក្រុមហ៊ុន ក្នុងបណ្តារប្រទេសចំនួន ៨៧។